Мисрлик пўлат магнати ва президент Ҳусни Муборак давридаги сиёсий арбоб суд таъқибини тўхтатиш учун давлатга 1,7 миллиард Миср фунти (96 миллион доллар) тўлайди, деб ёзади «РИА Новости».
«28 февраль, чоршанба куни бош прокурор Набил Содиқ раҳбарлигидаги чет элдан молиявий маблағлар ва активларни қайтариш бўйича миллий комиссия тадбиркор Аҳмад Изз билан ярашишга рози бўлди», — дейилади MEHA Миср давлат агентлиги.
Аҳмад Изз — энг йирик пўлат магнати, шунингдек, қачонлардир Мисрда ҳукмронлик қилган Миллий-демократик партия раҳбарларидан бири. Президент Муборак ҳокимиятига нуқта қўйган 2011 йилги оммавий халқ қўзғолонларидан кейин бир қатор вазирлар билан бирга Изз коррупцияда айбланиб, ҳибсга олинган эди. Ezz Steel пўлат компанияси хўжайини Миср ташқарисида кўплаб майда фирмалар очганликда ва уларнинг ҳисобларига ноқонуний равишда пул кўчирганликда айбланган.
2014 йилдаёқ у озодликка чиққан, бироқ узоқ вақт бир қатор шов-шувли жиноий ишлар иштирокчиси бўлиб юрган.
Изоҳ (0)