Тошкент шаҳар йўл ҳаракати хавфсизлиги бошқармаси расмий веб-сайт ҳамда Facebook ва Telegram ижтимоий тармоқларида ўз саҳифаларига эга бўлади. Бу ҳақда ИИББ матбуот хизмати маълум қилди.

Эндиликда фойдаланувчилар пойтахтдаги йўл ҳаракати хавфсизлиги билан боғлиқ барча маълумотларни мазкур манбалардан олиши мумкин. Шунингдек, онлайн тартибида Тошкент шаҳар ЙҲХБ бошлиғи Барат Маменовга шахсан мурожаат этиш имконияти яратилади.

Йўлланган барча мурожаатлар ва шикоятлар таҳлил қилиниб, тегишли қарорлар қабул қилинади.