Кўп йиллардан буён аҳолига табиий газ етказиб бериш соҳасида хизмат қилиб келаётган тўрткўлик Маъруфжон Ражаббоевнинг ихтироси тежамкорлиги билан кўпчиликда қизиқиш уйғотмоқда, деб хабар беради «Халқ сўзи».
Мутахассисларнинг фикрича, ушбу табиий газни фильтрловчи ускуна йилига 380 миллиард сўм маблағ тежалишига имкон яратади.
«Табиий газ бир қанча тозалаш босқичларидан ўтказилса ҳам истеъмолчиларга етиб боргунча барибир қувурларнинг ички емирилиши натижасида чиқиндилар билан аралашади ва бу аралашма газ ўлчагичига келиб тушади. Натижада механизм яроқсиз ҳолга келиб, ортиқча сарф-харажат, эгаси йўқ нореал қарздорлик пайдо бўлади. Мамлакат бўйича 4 миллионтадан зиёд газ ҳисоблагич ускуналари технологик сарфини кунига тахминан 1 метр кубга камайтирилса, 120 миллион метр куб, йилига эса 1440 ,0 миллион метр куб ҳосил бўлади. Бу, нореал қарздорлик 380 миллиард сўмга камаяди, деганидир», — дейди М. Ражаббоев.
Айтиш жоизки, интеллектуал мулк агентлигининг мувофиқлик сертификати ва Россия федерацияси «РосПатент» агентлигининг патентига эга ушбу жиҳоз Тўрткўл туманидаги «Safety filtr» масъулияти чекланган жамияти томонидан ишлаб чиқарилмоқда.
Изоҳ (0)