Судьялар олий кенгаши ҳузуридаги Одил судлов муаммоларини ўрганиш тадқиқот марказида Халқаро юристлар комиссияси вакиллари билан учрашув бўлиб ўтди.Бу ҳақда ЎзА хабар берди.
Учрашувда суд ҳокимиятининг мустақиллигига оид халқаро андозалар, судьяларни танлаш ва тайинлашга масъул органлар фаолиятини ташкил қилиш, судьялар фаолиятини баҳолаш, уларнинг ўзини-ўзи бошқариш органлари билан ўзаро ҳамкорлиги ва фаолиятига доир илғор хорижий тажриба юзасидан муҳокамалар бўлиб ўтди.
Шунингдек, ҳамкорлик алоқаларининг ҳуқуқий асосини мустаҳкамлаш мақсадида тадқиқот маркази билан халқаро юристлар комиссия ўртасида ҳамкорлик меморандуми имзоланди. Меморандум томонларнинг ўзаро манфаатли масасалар бўйича ҳамкорлик қилишга доир умумий мақсад ва интилишларини белгилаб берадиган ҳужжат бўлди.
Меморандум ижроси доирасида Евроиттифоқнинг «Иқтисодий, ижтимоий ва маданий ҳуқуқларни тарғиб қилиш бўйича фуқаролик жамиятини ривожлантириш» лойиҳаси ҳам муҳокама қилинди. Томонлар мазкур лойиҳани ижобий баҳолаб, унинг ижросига тайёрлигини таъкидлади.
Изоҳ (0)