Жорий йил 5—8 июнь кунлари халқаро экологик форум доирасида хорижий ОАВ вакиллари учун Орол денгизига медиатур ташкил қилиш режалаштирилмоқда. Бу ҳақда Марказий Осиё минтақавий экологик маркази ўтказган брифингда маълум қилинди, деб хабар беради ЎзА.
«Марказий Осиёда атроф-муҳит ва барқарор ривожланиш соҳасида ҳамкорликни мустаҳкамлаш» мавзусида бўлиб ўтадиган форумда қайта тикланадиган энергия манбалари ва энергия самарадорлиги, қаттиқ маиший чиқиндиларни бошқариш, биологик хилма-хилликни сақлаш ва муҳофаза этиладиган табиий ҳудудлар тизимини кенгайтириш билан боғлиқ масалалар муҳокама қилинади.
Тадбирда кўплаб давлатларнинг атроф-муҳитни муҳофаза қилиш ва сув хўжалиги бўйича давлат органлари раҳбарлари, етакчи халқаро ташкилотлар, молия институтлари вакиллари иштирок этиши режалаштирилган.
Изоҳ (0)