Ўзбекистон Президенти Шавкат Мирзиёевнинг Тожикистонга давлат ташрифи доирасида Душанбеда «Дўстлик кечаси» деб номланган тантанали тадбир бўлиб ўтади. Бу ҳақда Asia-Plus хабар бермоқда.
9 март куни кечки пайт Душанбедаги «Кохи Борбад» мажмуасида бўлиб ўтадиган концертда икки давлат санъат усталари қатнашади. Жумладан, тадбирда Ўзбекистон халқ артистлари Шерали Жўраев, Фаррух Зокиров, Юлдуз Усмонова ва Озодбек Назарбеков саҳнага чиқиши кутилмоқда.
Тожикистон санъатини эса таниқли хонандалар Давлатманд Холов, Нигина Омонқулова, Рустам Дулоев, «Шашмақом» ижрочилари, рақс гуруҳлари тақдим этади.
«Дўстлик кечаси» томошабинлари қаторидан икки давлат раҳбаридан ташқари Ўзбекистон расмий делегацияси аъзолари, Тожикистон ҳукумати ва парламенти аъзолари, жамоатчилик вакиллари ўрин олади.
Изоҳ (0)