Ҳиндистонлик киноактриса Шридеви (ҳақиқий исми Шри Амма Янгер Айяпан) 24 февралга ўтар кечаси Дубайда юрак хуружидан вафот этди, деб ёзади «ТАСС» NDTV телеканалига таяниб. Актриса 54 ёшда эди.
Телеканал маълумотларига кўра, Шридеви Дубайга жиянининг тўйида қатнашиш учун борган.
Шридеви ҳинд киносининг энг машҳур юлдузларидан бири ҳисобланади, у Мумбайдаги Болливуд студияларида ҳам, Жанубий Ҳиндистон киносида ҳам суратга тушган. Актриса жами 270 да картинада рол ўйнаган.
Ўзбек томошабинлари Шридевини «Артист» (1983), «Меҳрибонгинам» (1987), «Жаноб Ҳиндистон» (1987) фильмлари орқали яхши танийди.
Актрисанинг вафоти муносабати билан Ҳиндистон бош вазири Нарендра Моди ва президент Рам Натх Ковинд таъзия билдирди.
Изоҳ (0)