Америкалик спортчи Гас Кенуорти Instagram’даги кузатувчиларини Бимо лақабли кучукчаси билан таништирди, деб хабар беради TJournal.
Спортчи кучукчани Корея ресторанларига кучук гўшти етказиб берадиган фермадан қутқариб қолганини маълум қилган.
Пхёнчханга келганидан сўнг Гас 17 мингта шундай фермалардан бирига ташриф буюрган.
«Овқат тайёрлашда кучук гўштидан фойдаланиш корейс маданиятининг бир қисми ҳисобланади. Мен бу маданиятни қўллаб-қувватламасам-да, маҳаллий аҳолига ғарб стандартларини сингдиришга ҳаққим йўқлигини ҳам биламан. Бироқ, ҳайвонларни сақлаш қоидалари ўта шафқатсиз, маданият эса шафқатсизликни оқламайди», — деб ёзади Гас Кенуорти.
Кенуорти бундай фермаларда ҳайвонларга яхши қаралмаслиги, уларга нисбатан куч ишлатилишини ёзиб қолдирган.
Изоҳ (0)