Қаҳрамон Йўлдошев Ўзбекистон ахборот технологиялари ва коммуникацияларини ривожлантириш вазирининг ўринбосари сифатида иш бошлади. «Kun.uz» хабарига кўра, бу ҳақдаги тегишли қарор Президент Шавкат Мирзиёев томонидан имзоланган.
«Xabar.uz»нинг аниқлик киритишича, Йўлдошев бунгача Вазирлар Маҳкамасининг Ахборот тизимлари ва телекоммуникацияларини ривожлантириш масалалари ахборот-таҳлил департаменти мудири лавозимида ишлаб келган.
Қаҳрамон Йўлдошев 1972 йили Тошкент шаҳрида туғилган. 2007 йили Тошкент ахборот технологиялари университетини тамомлаган. Телекоммуникациялар корхоналарида турли вазифаларда фаолият олиб борган. 2010 йилдан «Ўзбектелеком» бош директори ўринбосари, кейинчалик бош директорнинг биринчи ўринбосари лавозимида ишлаган.
Эслатиб ўтамиз, Ўзбекистон Президентининг 2018 йил 19 февралдаги фармони билан Азим Аҳмадхўжаев ахборот технологиялари ва коммуникацияларини ривожлантириш вазири лавозимига тасдиқланган эди. Бунгача вазирликни бошқарган Шерзод Шерматов Инновацион ривожланиш вазирлиги раҳбарига ўринбосар этиб тайинланган.
Изоҳ (0)