Туркманистон президенти Гурбангули Бердимуҳаммедов жорий йилнинг баҳор мавсумида расмий ташриф билан Ўзбекистонга келади. Бу ҳақда Туркманистоннинг Ўзбекистондаги элчиси Шири Шириевнинг сўзларига асосланиб, «Публика.uz» хабар бермоқда.
Унинг сўзларига кўра, ҳозирда томонлар икки давлат президентлари учрашувига фаол ҳозирлик кўрмоқда. Музокаралар доирасида қатор масалалар кўриб чиқилиши режалаштирилмоқда.
«Жорий йилда бизнинг президентимиз расмий ташриф билан Ўзбекистонга келади. Ушбу ташриф чоғида кўплаб масалалар кўтарилади. Ҳозирча учрашувнинг кун тартиби аниқ эмас, биз ҳозирлик кўряпмиз. Ташриф баҳор ойларига мўлжалланган», — дейди Туркманистон элчиси.
Изоҳ (0)