Наманган вилоят ФВБ навбатчи-диспетчерлик хизматига 21 февраль, соат 14:52 да Наманган шаҳри, Маданий-маориф маҳалласида уй томига ўтин олиш учун чиққан катта ёшдаги аёл ҳушини йўқотгани ҳақида хабар берилди. Бу ҳақда «Дарё»га бошқарма ахборот-таҳлил хизмати маълум қилди.
Масъул навбатчи подполковник И.Ибрагимов бошчилигида 4 нафар қутқарувчи соат 15:05 да белгиланган манзилга етиб борди.
Воқеа жойидаги вазият ўрганилганда, 1956 йилда туғилган Р.Умарова қон босими кўтарилиши натижасида ҳушини йўқотгани маълум бўлди.
Р.Умарова томдан олиб тушилиб, тез тиббий ёрдам ходимларига топширилди. Унинг ҳаёти сақлаб қолинди.
Изоҳ (0)