23 февраль куни Ўзбекистонда ҳаво ҳарорати кескин исиши кутилмоқда

23 февраль куни Тошкентда ҳаво ўзгариб туради, ёғингарчилик бўлмайди. Кечаси 1—3, кундузи 13—15 даража илиқ бўлади, деб ёзади ЎзА.

Қорақалпоғистон Республикаси ва Хоразм вилоятида ҳаво ўзгариб туради, ёғингарчилик (ёмғир, қор) бўлиши мумкин. Ғарбдан секундига 7—12 метр тезликда шамол эсади. Кечаси 0—5 даража совуқ, кундузи 2—7 даража илиқ, Устюртда кечаси 3—8 даража совуқ, кундузи 2 даража совуқ, 3 даража илиқ, Хоразм вилоятида кечаси 0—5, кундузи 5—10 даража илиқ бўлади.

Бошқа вилоятлар ва тоғли ҳудудларда ҳаво ўзгариб туради, ёғингарчилик бўлмайди. Шарқдан секундига 7—12 метр тезликда эсаётган шамол айрим жойларда секундига 15—20 метргача кучайиши мумкин.

Бухоро ва Навоий вилоятларида кечаси 0—5 даража илиқ, чўл ҳудудларининг баъзи жойларида 2 даражагача совуқ, кундузи 13—18 даража илиқ бўлади.

Тошкент, Самарқанд, Жиззах ва Сирдарё вилоятларида кечаси 0—5, кундузи 13—18 даража илиқ бўлади.

Қашқадарё ва Сурхондарё вилоятларида кечаси 3—8, кундузи 15—20, айрим жойларда 23 даражагача илиқ бўлади.

Андижон, Наманган ва Фарғона вилоятларида кечаси 0—5, кундузи 12—17 даража илиқ бўлади.

Республиканинг тоғли ҳудудларида ҳаво ўзгариб туради, ёғингарчилик бўлмайди. Шарқдан секундига 7—12 метр тезликда шамол эсади. Кечаси 0—5 даража илиқ, баъзи жойларда 3 даражагача совуқ, кундузи 5—10 даража илиқ бўлади.