Тошкент шаҳрида фаолият юритаётган юридик хизмат ходимлари маҳалла фуқаролари йиғинларига бориб, аҳолининг ҳуқуқий маданиятини ошириш, маҳаллаларда ҳуқуқий ишларни тўғри йўлга қўйишда ёрдам бериш ташаббуси билан чиқди. Бу ҳақда ЎзА хабар берди.
Шаҳардаги 505 маҳалла фуқаролар йиғинига давлат органлари ва ташкилотларининг юридик хизматларида фаолият кўрсатаётган ходимлар бириктирилди. Улар аҳолига бепул юридик хизмат кўрсатади.
Адлия вазирлиги ташаббуси билан ташкил этилган «Давлат органлари ва ташкилотлари юридик хизматлари фаолиятини мувофиқлаштириш ва методик таъминлашга оид масалалар» мавзуидаги ўқув-семинарда шу ҳақда сўз борди. Семинарда Тошкент шаҳрида фаолият кўрсатаётган юридик хизмат ходимлари, ташкилотлар раҳбарлари ва бошқа мутасадди вакиллар иштирок этди.
Семинарда юридик хизмат ходимлари амалиётда дуч келаётган муаммоларни ҳал қилиш юзасидан фикр-мулоҳозалар билдирилди. Уларга ўз фаолиятида фойдаланиши учун Адлия вазирлиги томонидан ишлаб чиқилган қўлланмалар электрон шаклда тарқатилди.
Изоҳ (0)