Тармоқда ўғри машинани олиб қочишга уриниш чоғида полиция инспекторини унинг юкхонаси устида сайр қилдиргани акс этган видео пайдо бўлди, деб ёзмоқда «РИА Новости».
Видеода кўринадики, инспектор ҳаракатланиб кетаётган автомобилга етиб олади ва унинг юкхонаси устига сакраб чиқиб олади. Шу ҳолатда бир неча сония юргач, полициячи машинанинг орқа ойнасини синдириб, салонга кирган ва машинани тўхтатган.
Таъкидланишича, рулда 20 ёшли йигит бўлган, у аввалроқ ўғрилик учун судланган эди. Йигит тарбия ишларини олиб бориш марказига юборилган. Ўғрилик қилган вақтда у маст ҳолатда бўлган.
Изоҳ (0)