Ўзбекистон Республикаси Ташқи савдо вазири Жамшид Хўжаев бошчилигидаги делагация Қирғизистонга ташрифи чоғида 2018—2019 йилларда Қирғизистонга 50 миллион долларлик янги ва қайта ишланган мева ва сабзавот маҳсулотларини етказиб бериш, саноат соҳасидаги истиқболли лойиҳаларни янада жадаллаштириш каби масалаларни муҳокама қилди. Бу ҳақдаТашқи савдо вазирлигига таяниб, «Халқ сўзи» хабар берди.
Маълумотларга кўра, 2018 йилнинг январь ойида Ўзбекистон томонидан Қирғизистонга 1 миллион долларлик маҳсулот жўнатилган.
Ташриф доирасида Бишкек шаҳрида «Uztrade» АЖнинг савдо уйи рўйхатдан ўтказилди. Шунингдек, ўзбек қишлоқ хўжалиги техникаларини «Айил банк» томонидан қайта молиялаштириш орқали етказиб бериш бўйича шартнома имзоланган.
Унга кўра, ускуналарнинг биринчи, яъни йиғишни ташкил этиш учун асбоб-ускуналарни етказиб бериш учун махсус кредит линияси ҳисобидан жами 600 000 доллар миқдорида маблағ ажратилиши режалаштирилган.
Учрашув ва музокаралар якунида томонлар ўзаро савдо-иқтисодий ва инвестиция лойиҳаларини ўз вақтида амалга ошириш бўйича келишиб олдилар.
Изоҳ (0)