«Ўзэлтехсаноат» акциядорлик компанияси вакиллари Мисрда савдо ва саноат вазири биринчи ўринбосари Аҳмад Антер билан учрашди, дея хабар бермоқда «Жаҳон» ахборот агентлиги.
Аҳмад Антер Ўзбекистон иқтисодиётидаги ислоҳотлар натижаларини юқори баҳолаб, Мисрнинг автомобилсозлик, электротехника, тўқимачилик ва фармацевтика каби соҳаларда ҳамкорликни йўлга қўйишдан манфаатдор эканлигини тасдиқлади.
Ўзбекистон делегацияси аъзолари, шунингдек, Қоҳира Савдо палатаси, Миср бизнесменлари уюшмаси, Муҳандислик маҳсулотлари ишлаб чиқарувчилари палатасида музокаралар ўтказди.
Учрашувлар якунларига кўра, «Ўзэлтехсаноат» АК вакиллари Қоҳира савдо палатаси билан Ҳамкорлик ҳақида баённома ҳамда Миср бизнесменлари уюшмаси билан ҳамжиҳатлик тўғрисида меморандум имзолади.
Икки мамлакат бизнесменлари ўртасида B2B форматида бўлиб ўтган музокаралар чоғида Мисрнинг Toshiba – Al-Arabi, ECO Solar Energy, El-Sewedy Electric, IQ POWER Inc., SAS Electrical Industries, Etal Electrical, Korra Energy каби компанияларидаги тадбиркорлар қўшма фаолиятга тайёрлигини тасдиқлади.
Artel компаниялар гуруҳи корхоналаридан маиший техникани Мисрга етказиб беришни ташкил этиш ҳақида битимга эришилди.
ECO Solar EnergyArtel компаниясининг қуёш панелларини сотиб олишга, Toshiba — Al-Arabi Ўзбекистонда «Ўзэлтехсаноат» АК билан биргаликда маиший техника заводларини қуриш учун инвестиция киритишга, Korra Energy Ўзбекистон кабель маҳсулотлари ва LED-лампаларининг Миср ва чегарадош мамлакатлардаги дистрибьютори бўлишга қизиқиш билдирди.
Изоҳ (0)