69 ёшли франциялик таниқли актёр Жерар Депардье Жазоир фуқаролигини олиш мақсадида ушбу мамлакатга мурожаат қилди. Депардье Жазоирни «жозибали» деб ҳисоблайди, деб хабар берди TJournal.
Унинг фикрича, жазоирликлар — «саводсиз француз армияси томонидан 1830 йилда эгаллаб олинган жуда ақлли ва интеллектуал халқдир». Депардьенинг ҳисоблашича, Жазоир Франция таркибига қўшилган вақтда французларнинг аксарияти жазоирликлардан фарқли ўлароқ ёзиш ва ўқишни билмаган.
Депардьенинг ушбу фикри ижтимоий тамоқларда кўплаб мунозараларга сабаб бўлди. Фойдаланувчиларнинг бир қисми актёрнинг француз ҳукумати билан муаммолари борлигини ҳисобга олиб, унинг фикрига қўшилган бўлса, яна бир қисми Марселда яшайдиган французлар ва араб мигрантлари ўртасида можароларни муҳокама қилишга тушиб кетди.
2016 йилда Депардье Le Parisien мухбирига икки йил давомида мусулмон бўлганини ва Қуръонни диққат билан ўрганиб чиққанини маълум қилганди. Бироқ кейинчалик актёр мусулмонлик амалларини бажара олмагани сабаб ушбу динни тарк этган.
Мен яқинда Жазоирда яшашни бошлайман. Мен Жазоирни танладим. Бу жуда жозибали мамлакат. Шуни маълум қилмоқчиманки, Марселда яшайдиган жазоирликлар Жазоирда айтган гапларининг ярмини ҳам айта олмайди. Марселда ўзаро ҳурмат ҳисси йўқолган, Жазоирда буни яққол билиш мумкин.Жерар Депардье, актёр
Изоҳ (0)