Мексикада бортида мамлакат ички ишлар вазири ва Оахака штати губернатори бўлган вертолёт қулади. «РИА Новости»нинг хабар беришича, ҳодиса оқибатида камида 13 киши ҳалок бўлган.
«Ҳодиса жойидан 12 қурбоннинг жасадлари топилди. Яна бир киши шифохонада вафот этди», — дея баёнот берди Мексика Бош прокуратураси. Яна 15 киши эса шифохонага ётқизилган.
Ички ишлар вазири Алфонсо Наваррете ҳам, губернатор Alexaндро Мурат ҳам омон қолган. Улар 17 февраль куни юз берган зилзиладан сўнг ҳудудларни кўздан кечириш учун ҳавога кўтарилган эди.
Қайд этишларича, вертолёт тахминан 30 метр баландликда бошқарувни йўқотиб, автомобиль устига қулаган.
Изоҳ (0)