Йўллари энг тирбанд бўлган шаҳарлар рейтинги тузилди

INRIX таҳлилий компанияси йўллари энг тирбанд бўлган шаҳарлар рейтингини тузди, деб ёзади «Мотор».

Унга 38 та мамлакатнинг 1360 та аҳоли пункти кирди. 2017 йилнинг энг тирбанд шаҳри Лос-Анжелес бўлди — у ерда фуқаролар тирбандликларда ўртача 102 соат вақт кетказган.

Рейтингда 91 соат натижа билан Москва иккинчи ўринни эгаллади, Нью-Йорк худди шундай кўрсаткич билан учинчи ўринда жойлашди.

Ҳисобот давридаги энг секин йўл ҳаракати Мексиканинг Оахака штатида кузатилган, у соатига 5,9 километрни ташкил этган, энг секин шаҳар эса Белфаст бўлган. Бу ерда машиналарнинг тезлиги кундузги вақтда ўртача 5,4 километр/соатга тенг бўлган.

INRIX Таиланд, Индонезия, Колумбия, Россия, Венесуэла ва АҚШни энг тирбанд мамлакатлар деб топди.