«Яндекс» ўзбекистонликлар томонидан январь ойида энг кўп қидирилган мавзулар рўйхатини эълон қилди

«Яндекс» қидирув тизими жорий йилнинг январь ойида Ўзбекистон интернет фойдаланувчилари томонидан энг кўп қидирилган мавзуларни ўрганиб чиқиб, уларнинг рўйхатини тақдим этди, деб хабар берди «Mobinfo.uz».

Мазкур ҳолатда гап Ўзбекистондаги фойдаланувчилар томонидан қидириладиган энг машҳур сўровлар ҳақида эмас (ушбу рўйхат йилдан йилга деярли ўзгармайди), балки январь ойида одамларнинг катта қизиқишига ва кўпроқ маълумотга эга бўлишига сабаб бўлган мавзулар борасида кетмоқда.

Бу каби сўровлар интернет фойдаланувчилари айни вақтда қандай «яшаётганини» ва уларни нима кўпроқ қизиқтираётганини билдиради. Январь ойида ўзбекистонликларни биринчи навбатда Шоҳжаҳон Эргашевнинг жанглари ва янги қўшиқлар қизиқтирган.

Январь ойида ўзбекистонликлар томонидан «Яндекс» орқали энг кўп қидирилган мавзулар:

1. Шоҳжаҳон Эргашев;
2. Райҳон — «Томчи»;
3. Ислом Каримов;
4. «Тепага ҳаракат» фильмининг премьераси;
5. Ўзбекистонда Ватан ҳимоячилари куни;
6. ҚВЗ—2017 финали;
7. Футбол бўйича ёшлар ўртасида Осиё чемпионати;
8. Сардор Раҳимхон — «Умидвор юрак»;
9. Юлдуз Усмонова — «Илтижо»;
10. Тошкентда зилзила.