Қирғизистонда хизмат вазифаси билан боғлиқ бўлган жиноятлар, жумладан, коррупция ёки давлат мулкини талон-тарож қилиш билан боғлиқ жиноятларни содир этганлик учун жавобгарликка тортилган прокуратура ва куч органлари мансабдор шахслари рўйхати тузилади. Бу ҳақда Хавфсизлик кенгаши котибининг биринчи ўринбосари Дамир Сагинбаев маълум қилди, деб ёзади K-News.
«Бу рўйхат бизга нима учун керак? Жазога тортилган ёки айблов ҳукми чиқарилган шахслар меҳнат фаолиятининг охирига қадар бирор жойда ишга тиклана олмаслиги ёки давлат хизмати, жумладан, ҳуқуқни муҳофаза қилиш органларига ишга жойлаша олмаслиги учун керак», — дейди Сагинбаев.
Шунингдек, унинг сўзларига қараганда, коррупция ва ўғрилик фактлари бўйича асоссиз тўхтатилган ёки тугатилган барча жиноят ишлари яқин вақт ичида янгитдан қўзғатилиб, улар бўйича суриштирув давом эттирилади.
Изоҳ (0)