Қирғизистонлик фуқаронинг ўзбекистонлик чегарачилар томонидан ярадор қилингалиги юзасидан жиноят иши очилди. Бу ҳақда, Қирғизистон омбудсмани матбуот хизматига таяниб, KNews хабар берди.
Маълумотларга кўра, жиноят иши 6 февраль куни Қирғизистон Жиноят кодексининг «Давлат чегарасини ноқоқнуний кесиб ўтиш», «Одам ўғирлаш» ва «Қотиллик содир этишга уриниш» бандлари бўйича очилган.
«Омбудман Кубат Оторбаев ишни яхшилаб текшириш ва ҳар томонлама ёрдам кўрсатиш мақсадида уни президент, бош вазир ҳамда бош прокуратурага йўллади. Мазкур иш президент девонхонаси ва бош вазир назорати остида. Ўз навбатида Олабуқа туманининг ички ишлар ходимлари ҳам тергов ўтказмоқда», — дейилади хабарда.
Эслатиб ўтамиз, 27 январь куни Жалолобод вилояти Олабуқа туманидаги Ажек қишлоғи фуқароси давлат чегараси яқинида майда шохли мол боқаётиб, Ўзбекистон ҳудудига ўтиб кетган. Қонунбузар огоҳлантирувчи чақириқларни ва талабларни эътиборсиз қолдиргани учун Ўзбекистон чегарачилари қурол қўллашга мажбур бўлган ва уни чап оёқ сонидан яралаган.
Изоҳ (0)