Ўзбекистон Президенти Шавкат Мирзиёев 9 февраль куни Тошкентда амалга оширилаётган бунёдкор билан ишлари танишиш жараёнида янги барпо этилаётган «Наврўз» истироҳат боғи лойиҳасини кўздан кечирди. «Ўзбекистон 24» телеканалининг «Ахборот 24» дастурида Президентнинг янги парк ҳақидаги фикрлари эълон қилинди.
Мавзуга доир: Шавкат Мирзиёев: Алишер Усмоновнинг бизга кўрсатган ёрдами тарихда қолиши керак (видео)
Бу ерда 6 минг кишилик усти очилиб ёпиладиган амфитеатр, диаметри 72 метрлик чархпалак, ҳар бир вилоят аҳолисининг ўзига хос урф-одатлари, аждодларнинг яшаш тарзи, миллий ҳунармандлик, пазандалик анъаналарини акс эттирувчи уйлар қурилади.
Бу сайил бўладиган, одамлар келиб дам оладиган, тарихимизни тараннум, маданиятимизни намоён этадиган жой бўлиши керак. Бу жой Тошкентнинг маданий марказига айланади.Хабар беришларича, парк 2019 йили тўлиқ қуриб битказилади. Мустақиллик, Наврўз каби улуғ байрамлари мазкур боғда ўтказилиши кўзда тутилган.Икки йил ичида намунавий этнографик, ҳақиқатан ҳам Наврўзни тараннум этадиган парк қурилади. Келган меҳмонлар бу паркни кўриб, ҳайрон қолиши керак.
Худо хоҳласа, меҳмонларни дастлаб Ислом маданияти марказига олиб борамиз, у ердан этнографик паркимизга олиб келамиз. Бу ҳақиқий маданият ўчоғи, миллатимизни, ўзлигимизни англаш маркази бўлади.
Шавкат Мирзиёев, Ўзбекистон Президенти
Бундан ташқари, мажмуада оммавий сайиллар, концертлар ташкил этиш учун шароит яратилади. Истироҳат боғи марказига қуёш шаклида Наврўз рамзи ўрнатилади.
Изоҳ (0)