Тошкентнинг «Локомотив» футбол клуби Чемпионлар Лигасининг илк турида йирик ғалабага эришди. Амирлик чемпионатида 2-ўринни эгаллаб турган «Ал-Ваҳда»ни қабул қилган «темирйўлчилар» 5:0 ҳисобида зафар қучди.
Янги мавсум аввалида таркибга олиб келинган бразилиялик ҳужумчи Нивалдо учрашувда ҳисобни очган бўлса, кейинроқ Икром Алибоев 1-турнинг энг чиройли голларидан бирига муаллифлик қилди. Учинчи аниқ зарба автогол самараси бўлса, Амирлик чемпионатидан қайтиб келган Сардор Рашидов ҳам дебют ўйинида «Локомотив» учун гол уришга эришди. Охирида Алибоев дублини расмийлаштирди.
«Локомотив» ярим ҳимоячиси Икром Алибоев Чемпионлар Лигасида майдон марказидан гол урди (видео)
Мазкур гуруҳда Қатарнинг «Ал-Дуҳайл» ҳамда Эроннинг «Зоб Оҳан» клублари ҳам бор. Бугун — 12 февраль куни улар ҳам ўзаро саф тортади.«Локомотив»нинг Чемпионлар Лигасидаги энг яхши натижаси чорак финал бўлиб, «темирйўлчилар» бунга 2016 йилги мавсумда эришганди.
«Темирйўлчилар» бунга қадар ҳам Чемпионлар Лигасида 5 та гол фарқи билан зафар қучишга эришган. 2015 йилги мавсум «Локомотив» стадионида Қатарнинг «Ас-Садд» клуби 5:0 ҳисобида маҳф этилганди.
«Локомотив» — «Ал-Ваҳда» (БАА) 5:0
Голлар: Нивалдо, 25 (1:0). Икром Алибоев, 53 (2:0). Салим Султон Аш-Шаржий, 55-авт (3:0). Сардор Рашидов, 58 (4:0). Икром Алибоев, 90 (5:0).«Локомотив»: Игнатий Нестеров — Шуҳрат Муҳаммадиев, Кахи Maxарадзе, Ислом Тўхтахўжаев, Олег Зотеев, Садриддин Абдуллаев, Икром Алибоев, Марат Бикмаев, Санжар Шоаҳмедов (Игорь Йелич, 77), Сардор Мирзаев (Шерзод Каримов, 82), Нивалдо (Сардор Рашидов, 36).
Изоҳ (0)