Ўзбекистон Президенти Шавкат Мирзиёев пойтахтда барпо этилаётган «Наврўз» маданият ва истироҳат боғи лойиҳалари билан танишди, деб хабар беради Президент матбуот хизмати.
Анҳор бўйида бунёд этилаётган бу боғда «Наврўз» байрами тантаналари, маданий тадбирлар ўтказишга мўлжалланган амфитеатр, қадимий ҳовлилар, устахоналар, айвонлар, чойхоналар ва миллий анъаналар акс этган этнографик шаҳарча қурилади.
Наврўзда маданиятимиз ва қадриятларимизнинг барча жиҳатлари намоён бўлади. Бу боғ ана шу бой миллий меросимизни тараннум этадиган жой бўлиши керак. Бу ерга сайёҳлар ҳам иштиёқ билан келиши, ўзини худди ўзбек маҳалласида юргандек ҳис қилиши зарур. Ҳар бир бино, ўтказиладиган ҳар бир тадбир ўсиб келаётган ёшларни Ватанга муҳаббат, миллий қадрият ва анъаналаримизга ҳурмат руҳида тарбиялаш, ўзлигини англашга ҳисса қўшиши лозим.Шавкат Мирзиёев, Ўзбекистон Республикаси ПрезидентиПрезидент лойиҳаларни янада такомиллаштириш, Наврўз байрамини халқ сайли тарзида ўтказиш бўйича тавсия ва кўрсатмалар берди.
Мавзуга доир: Шавкат Мирзиёев Юнусободда метро қурилиши билан танишди
Изоҳ (0)