Шимолий Корея етакчиси Ким Чен Иннинг синглиси Жанубий Корея президенти Мун Чже Инни кейинроқ КХДРга ташриф буюришга таклиф қилиши мумкин, деб ёзади «ТАСС». Бу ҳақда CNN телекомпанияси КХДРнинг режаларидан хабардор бўлган дипломатик манбасига таяниб маълум қилди.
Уларнинг маълумотларига кўра, КХДР етакчисининг синглиси Ким Ё Чжон Мун Чже Инни «шу йил қайсидир пайт» Пхеньянга боришга таклиф қилишининг «яхшигина эҳтимоли» бор. Бу президентнинг Пхёнчхандаги Олимпия ўйинларидаги КХДР делегацияси вакиллари билан 10 февраль, шанба кунига режалаштирилган учрашуви чоғида юз бериши мумкин.
Мун Чже Иннинг КХДРга потенциал ташрифи 15 август — Кореянинг 1945 йилда япон мустамлакачилигидан озод бўлиши шарафига нишонланадиган байрамда амалга ошиши мумкин. Бу кун КХДРда ҳам, Жанубий Кореяда ҳам нишонланади.
Изоҳ (0)