Навоий вилояти божхона бошқармаси ходимлари ҳуқуқни муҳофаза қилувчи идоралар вакиллари билан ҳамкорликда олиб борган тезкор тадбир давомида яқинда туғилган, шахсини тасдиқловчи бирор ҳужжати бўлмаган қизалоғини 5 миллион сўмга сотаётган она жиноят устида қўлга олинди. Бу ҳақда ЎзА хабар бермоқда.
Мазкур ҳолат юзасидан қизалоқнинг онасига нисбатан ЖКнинг 135-моддаси 3-қисми, «а» банди билан жиноят иши қўзғатилди.
Жиноят ишлари бўйича Кармана туман суди томонидан аёлнинг чин кўнгилдан пушаймонлиги ва маҳалла кафиллиги остида ушбу қизалоқни тарбиялашга шароит яратиш мақсадида унга нисбатан 4 йил муддатга озодликдан чеклаш жазо тайинланди.
Эслатиб ўтамиз, олдинроқ вилоятда фуқаро Бозоров (исм-фамилиялар ўзгартирилган) Сотволдиева билан жиноий тил бириктириб, унинг 5 кунлик фарзандини нотаниш шахсга 4,6 миллион сўмга сотаётган вақтида қўлга олинганди.
Мазкур ҳолат юзасидан ҳам жиноят иши қўзғатилди. Айни пайтда суриштирув ва тергов ҳаракатлари олиб борилмоқда.
Изоҳ (0)