Navoiy viloyati bojxona boshqarmasi xodimlari huquqni muhofaza qiluvchi idoralar vakillari bilan hamkorlikda olib borgan tezkor tadbir davomida yaqinda tug‘ilgan, shaxsini tasdiqlovchi biror hujjati bo‘lmagan qizalog‘ini 5 million so‘mga sotayotgan ona jinoyat ustida qo‘lga olindi. Bu haqda O‘zA xabar bermoqda.
Mazkur holat yuzasidan qizaloqning onasiga nisbatan JKning 135-moddasi 3-qismi, “a” bandi bilan jinoyat ishi qo‘zg‘atildi.
Jinoyat ishlari bo‘yicha Karmana tuman sudi tomonidan ayolning chin ko‘ngildan pushaymonligi va mahalla kafilligi ostida ushbu qizaloqni tarbiyalashga sharoit yaratish maqsadida unga nisbatan 4 yil muddatga ozodlikdan cheklash jazo tayinlandi.
Eslatib o‘tamiz, oldinroq viloyatda fuqaro Bozorov (ism-familiyalar o‘zgartirilgan) Sotvoldiyeva bilan jinoiy til biriktirib, uning 5 kunlik farzandini notanish shaxsga 4,6 million so‘mga sotayotgan vaqtida qo‘lga olingandi.
Mazkur holat yuzasidan ham jinoyat ishi qo‘zg‘atildi. Ayni paytda surishtiruv va tergov harakatlari olib borilmoqda.
Izoh (0)