Заҳириддин Муҳаммад Бобур авлодлари дунёнинг қайси мамлакатларида яшайди? Бу ҳақда ЎзА мухбири билан суҳбатда «Бобур» халқаро жамоат фонди директори Зокиржон Машрапов маълумот берди.
— Бугунги кунда Бобурнинг энг яқин авлодлари Ҳиндистон, Покистон ва Англияда истиқомат қилади.
Покиза Султонбегим янги Деҳлида яшайди. Марказий кутубхонани бир неча йиллар бошқарган. Унинг синглиси Тоҳира Султонбегим Англияда истиқомат қилади. Шоиранинг бир неча китоблари чоп этилган. Ушбу китобларнинг намуналари Ўзбекистонда мамлакатимиздаги «Бобур ва жаҳон маданияти қўлёзма асарлари» музейида ҳам сақланади.
Лайло Уммахоним 5 нафар фарзандлари билан Ҳайдарободда яшайди. Бобур авлодига мансуб бўлган бу оиланинг Аброр исмли вакили Тошкент давлат техника университетида «Бобур» халқаро жамоат фонди ҳомийлигида 5 йил таҳсил олган.
Жорий йилнинг 14 февраль куни Андижон шаҳрида Бобур таваллудининг 535 йиллигига бағишланган илмий конференция бўлиб ўтади. Мазкур анжуманга қўшни мамлакатлардан ҳам бобуршунос олимлар ва меҳмонлар келиши кўзда тутилган.
Изоҳ (0)