Доғистон раҳбари вазифасини бажарувчи Владимир Васильев республика ҳукуматини истеъфога чиқарди. Бу ҳақда «РИА Новости» хабар бермоқда.
Ҳукумат раиси вазифасини вақтинча бажариш Анатолий Карибов зиммасига юклатилди.
ФХХ ходимлари 5 февраль, душанба куни бош вазир вазифасини бажарувчи Абдусамад Гамидов, бош вазир ўринбосарлари вазифасини бажараётган Шомил Исаев ва Раюдин Юсуфов ҳамда собиқ таълим вазири Шоҳаббос Шоховни ижтимоий дастурларни амалга ошириш учун ажратилган бюджет маблағларини ўзлаштириш иши доирасида қўлга олди.
Доғистонга январь ойида қонунларга риоя этилишини ўрганиш учун Москвадан махсус комиссия келганди. Унинг иши давомида Maxачқалъа мери Муса Мусаев ва шаҳар бош меъмори Муҳаммадрасул Гитинов ҳам қўлга олинди.
Изоҳ (0)