Бир муддат илгари «Дарё» «KRuz.uz» сайтига асосланган ҳолда Беруний туманида Мажбурий ижро бюроси ходими жавобгарликка тортилгани ва етказилган зарарни қоплагани ҳақида маълумот берган эди. Бош прокуратура ҳузуридаги Мажбурий ижро бюросининг Қорақалпоғистон Республикаси бошқармаси «Дарё»га бу борада раддия йўллаб, мазкур маълумот нотўғрилигини билдирди.
Бош прокуратура ҳузуридаги Мажбурий ижро бюросининг Беруний тумани бўлими ходими Р. Алиев томонидан Алпомиш кўчаси, 30-хонадонда истиқомат қилувчи истеъмолчи Камил Хабибуллаевнинг уйидаги электр ҳисоблагич кўрсаткичи дастлаб 6812 КВТ кўрсатилгани сабабли қайта ҳисоб-китобдан сўнг унинг ҳисоблагич кўрсаткичи 7169 КВТ экани ва 357 КВТ лик ортиқча тўлов мавжудлиги аниқланган.
Фуқаро К. Хабибуллаев бу ҳақда истеъмолчилар ҳуқуқларини ҳимоя қилиш Беруний тумани жамиятига мурожаат қилганида, жамият Қорақалпоғистон Республикасининг «KRuz.uz» сайтига МИБ Беруний туман бўлими ходими А.Р.Д. туманнинг Алпомиш кўчаси 30-хонадонда истиқомат қилувчи истеъмолчи Камил Хабибуллаевнинг уйидаги электр ҳисоблагичи кўрсатгичи 6812 КВТ қайта ҳисоб-китобидан 7169 КВТ эканлиги ва 357 КВТ ортиқча тўлов мавжудлиги ҳақида ёзма хабар берилган.
Бироқ «KRuz.uz» сайти бу маълумотга аниқлик киритиш учун Бюронинг Қорақалпоғистон Республикаси масъул ходимлари билан келишмаган ҳолда «ноқонуний ҳаракати учун жавобгарликка тортилди»деган мазмунда ўзининг сайтида маълумот қолдирган.
Ўрганиш натижасида Бюронинг Беруний тумани бўлими ходими Р. Алиев томонидан хатоликка йўл қўйилмагани ва уни интизомий жавобгарликка тортиш учун асослар мавжуд эмаслиги аниқланган.
«KRuz.uz» сайти томонидан нотўғри маълумот киритилганлиги оқибатида республикамиздаги бошқа сайтларда бу маълумот турлича талқин қилинмоқда.
«KRuz.uz» сайти ушбу маълумотларни жойлаштиришда Республика истеъмолчилар ҳуқуқларини ҳимоя қилиш жамиятлари федерацияси ҳамда бюронинг Қорақалпоғистон Республикаси бошқармаси билан келишмаганлиги сабабли «KRuz.uz» сайти вакили Фурқат Юсупов томонидан ушбу маълумотлар сайтдан олинган.
Изоҳ (0)