Bir muddat ilgari “Daryo” “KRuz.uz” saytiga asoslangan holda Beruniy tumanida Majburiy ijro byurosi xodimi javobgarlikka tortilgani va yetkazilgan zararni qoplagani haqida ma’lumot bergan edi. Bosh prokuratura huzuridagi Majburiy ijro byurosining Qoraqalpog‘iston Respublikasi boshqarmasi “Daryo”ga bu borada raddiya yo‘llab, mazkur ma’lumot noto‘g‘riligini bildirdi.
Bosh prokuratura huzuridagi Majburiy ijro byurosining Beruniy tumani bo‘limi xodimi R. Aliyev tomonidan Alpomish ko‘chasi, 30-xonadonda istiqomat qiluvchi iste’molchi Kamil Xabibullayevning uyidagi elektr hisoblagich ko‘rsatkichi dastlab 6812 KVT ko‘rsatilgani sababli qayta hisob-kitobdan so‘ng uning hisoblagich ko‘rsatkichi 7169 KVT ekani va 357 KVT lik ortiqcha to‘lov mavjudligi aniqlangan.
Fuqaro K. Xabibullayev bu haqda iste’molchilar huquqlarini himoya qilish Beruniy tumani jamiyatiga murojaat qilganida, jamiyat Qoraqalpog‘iston Respublikasining “KRuz.uz” saytiga MIB Beruniy tuman bo‘limi xodimi A.R.D. tumanning Alpomish ko‘chasi 30-xonadonda istiqomat qiluvchi iste’molchi Kamil Xabibullayevning uyidagi elektr hisoblagichi ko‘rsatgichi 6812 KVT qayta hisob-kitobidan 7169 KVT ekanligi va 357 KVT ortiqcha to‘lov mavjudligi haqida yozma xabar berilgan.
Biroq “KRuz.uz” sayti bu ma’lumotga aniqlik kiritish uchun Byuroning Qoraqalpog‘iston Respublikasi mas’ul xodimlari bilan kelishmagan holda “noqonuniy harakati uchun javobgarlikka tortildi”degan mazmunda o‘zining saytida ma’lumot qoldirgan.
O‘rganish natijasida Byuroning Beruniy tumani bo‘limi xodimi R. Aliyev tomonidan xatolikka yo‘l qo‘yilmagani va uni intizomiy javobgarlikka tortish uchun asoslar mavjud emasligi aniqlangan.
“KRuz.uz” sayti tomonidan noto‘g‘ri ma’lumot kiritilganligi oqibatida respublikamizdagi boshqa saytlarda bu ma’lumot turlicha talqin qilinmoqda.
“KRuz.uz” sayti ushbu ma’lumotlarni joylashtirishda Respublika iste’molchilar huquqlarini himoya qilish jamiyatlari federatsiyasi hamda byuroning Qoraqalpog‘iston Respublikasi boshqarmasi bilan kelishmaganligi sababli “KRuz.uz” sayti vakili Furqat Yusupov tomonidan ushbu ma’lumotlar saytdan olingan.
Izoh (0)