Тошкентда 9 июнь куни бўлиб ўтган музокаралар якунида Шавкат Мирзиёев ва Словакия бош вазири Роберт Фисо Стратегик шериклик муносабатларини ўрнатиш тўғрисидаги қўшма декларацияни имзолади.
Президент матбуот хизматининг хабар қилишича, етакчилар ҳузурида икки томонлама ҳужжатлар, хусусан:
- дипломатик кадрлар тайёрлаш тўғрисида;
- қишлоқ хўжалиги соҳасидаги ҳамкорлик тўғрисида;
- стандартлаштириш, метрология ва товарларнинг мувофиқлигини баҳолаш соҳасидаги ҳамкорлик тўғрисида;
- энергетика бозорларини тартибга солиш соҳасидаги ҳамкорлик тўғрисидаги битимлар;
- 2025—2026 йилларга мўлжалланган ташқи ишлар вазирликлари ўртасидаги ҳамкорлик дастури;
- 2025—2026 йилларга мўлжалланган стандартлаштириш соҳасидаги ҳамкорлик дастури алмашилди.
Ҳужжатлар алмашинишидан лавҳалар
Словакия бош вазирининг Ўзбекистонга ташрифи
Словакия бош вазири Роберт Фисо Шавкат Мирзиёев таклифига биноан 8 июнь куни расмий ташриф билан Ўзбекистонга келганди. 9 июнь куни уни расмий кутиб олиш маросими бўлиб ўтди. Шу куни Шавкат Мирзиёев ва Словакия бош вазири Роберт Фисо музокаралар ўтказиб, Ўзбекистон ва Словакия ўртасидаги амалий ҳамкорликни янада ривожлантириш масалаларини кўриб чиқди. Ташриф доирасида Словакия бош вазири Роберт Фисо IV Тошкент халқаро инвестиция форумида ҳам иштирок этади.
Изоҳ (0)