Андижон шаҳрида яшовчи У.Г. шаҳар ИИБга ариза билан мурожаат қилиб, меҳмонхонасидаги телевизори устидан нархи 24 миллион сўмлик тилла тақинчоқлари — занжир, узук, билагузук ва бир жуфт зирак ўғирлаб кетилганлигини маълум қилди. Бу ҳақда Андижон вилоят ИИБ матбуот хизмати хабар бермоқда.
Кўрилган тезкор чоралар натижасида ўғри Андижон туманида истиқомат қилувчи А.Л. бўлиб чиқди. У 2018 йил 12 январь куни соат 06:30 ларда У.Г.нинг чақирувига асосан уйига тез тиббий ёрдам автомашинасида келиб, биринчи тиббий ёрдам кўрсатгани, чиқиб кетаётиб, юқоридаги тилла буюмларни ўғирлаб кетганлиги аниқланди.
Ҳолат бўйича Андижон шаҳар ИИБ ҳузуридаги тергов бўлими томонидан ЖКнинг 169-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)