Ўзбекистон банклари тушлик танаффусларидан воз кечишни бошлади

Ўзбекистон банклари тушлик танаффусларисиз ишлашни бошламоқда. Бу ҳақда Spot хабар бермоқда.

Жумладан, Asia Alliance Bank 1 февралдан тушлик танаффусларисиз ишлаш тартибига ўтганини эълон қилди. Hamkorbank ҳам танаффуссиз ишлашда давом этишини билдирди.

Ҳар иккала банк вакилларининг Spot’га маълум қилишларича, улар мижозларга қулай шарт-шароитлар яратиш мақсадида шундай қарор қабул қилган.

Январь ойи охирида Марказий банк тушлик учун танаффус энди 13:00 дан 14:00 гача давом этишини маълум қилиб, тижорат банкларига ҳам шундай иш тартибига ўтишни тавсия қилган эди. Бунгача банкларнинг тушлик вақти 15:00 дан 16:00 гача эди.

Шундан сўнг бир қатор банклар, хусусан, «Агробанк», «Капиталбанк», «Алоқабанк» ва бошқалар тушлик вақти 13:00 дан 14:00 гача бўлган иш тартибига ўтишини эълон қилган эди.