Республиканинг 8 та ҳудудида Жиззах (122 нафар), Сирдарё (89 нафар), Самарқанд (486 нафар), Бухоро (155 нафар), Навоий (106 нафар), Хоразм (111 нафар), Сурхондарё (215 нафар) вилоятлари ва Қорақалпоғистон Республикасида (112 нафар) Қуръон мусобақасининг ҳудудий босқичлари кўтаринки руҳда бўлиб ўтди, деб хабар беради Ўзбекистон мусулмонлари идораси матбуот хизмати.
Ҳар бир ҳудуддан 18—25 ва 26—40 икки ёш тоифасидаги қатнашувчи эркаклар ва аёллар икки йўналишда, яъни «Ҳифз» (тўлиқ ёд олган) ва «Тиловат» (қисман ёд олган) бўйича ўз маҳоратларини синовдан ўтказди.
Жойларда мусобақанинг шаҳар ва туман босқичлари шу йил 15 январдан бошланган эди. Шу кунгача 1396 нафар, шундан 736 эркак, 390 аёл иштирокчи мусобақада қатнашди. Улардан 129 нафари вилоят босқичига йўлланма олди.
«Мазкур 8 та ҳудудда мусобақа якунлангандан кейин, ҳакамлар ҳайъати ва ташкилий гуруҳ икки кунлик танаффусга чиқди. Улар 1 февраль куни яна мусобақаларни ўтказишга киришади» — дейилади хабарда.
Шу йилнинг 1—4 февраль кунлари Андижон вилоятидаги 1182 нафар иштирокчи шаҳар ва туман босқичларида қатнашадилар. Қолган вилоятларда ҳам навбатма-навбат мусобақалар 15 февралга қадар давом этади.
Изоҳ (0)