Гонконгда 31 январь, чоршанба куни Иккинчи жаҳон уруши даврига мансуб ҳафта мобайнидаги иккинчи бомба топилди. Бу ҳақда «РИА Новости» хабар бермоқда.
Бомба ишчилар томонидан Ван Чай тумани ҳудудидаги метронинг янги тармоғи қурилишида, ўтган шанба АҚШнинг худди шундай 450 килограммли АNM-65 снаряди топилган жойдан атиги 10 метр нарида аниқланди.
Ўтган гал снарядни зарарсизлантириш учун сапёрларга бир суткадан кўпроқ вақт талаб этилганди.
Воқеа жойида сапёрлар, ўт ўчирувчилар, полиция ходимлари ишламоқда, шифокорлар навбатчилик қилмоқда. Бутун периметр қуршаб олинди, полиция яқин атрофдаги 12 та бинодан 3 мингга яқин кишини эвакуация қилди.
Изоҳ (0)