Россия табиат ресурслари ва экология вазирлигининг Хабаровск ўлкасидаги тезкор гуруҳи қишлоқлардан биридаги уйга келган ҳолдан тойган йўлбарсни ушлади ва реабилитация марказига жўнатди. Бу ҳақда «РИА Новости» хабар берди.
Мутахассислар махсус восита қўллаган ҳолда урғочи Амур йўлбарсини ушлаган, ҳайвон ҳеч қандай қаршилик кўрсатмаган. Хабар берилишича, йўлбарсда ўқотар қуролдан олинган жароҳат йўқ. Унинг аҳволи оғир бўлган ва тез ёрдамга муҳтож бўлган.
Йўлбарснинг юқори тишлари йўқ ва милкларида жиддий жароҳатлар бор. Шу сабабли унинг ёшини аниқлашнинг имкони бўлмаган. Ҳозирги пайтда унинг кейинги аҳволи ва тақдири номаълум бўлиб қолмоқда. Мутахассислар йўлбарснинг нима учун ўрмондан чиқиб, одамлар олдига келганини аниқлашга уринмоқда.
Изоҳ (0)