Миср туризм кенгаши Гиннесс рекордлар китобига кирган туркиялик эркак ва ҳиндистонлик аёлни мамлакатга таклиф қилди. Бу ҳақда «Вести.ru» хабар бермоқда.
Бўйи 251 сантиметр бўлган 35 ёшли фермер Султон Кесен дунёдаги энг дароз эркак ҳисобланади.
24 ёшли Жоти Амжи эса энг митти аёл деб тан олинган — унинг бўйи атиги 62 сантиметр. У реалити-шоу ва сериалларда иштирок этиб туради.
Мисрда Кесен ва Амжи сайёҳларни обидаларга жалб этиш мақсадида уюштирилган фотосессияда қатнашди.
Биринчи галда улар, албатта, эҳромлар фонида суратга тушди.
Изоҳ (0)