27- январь куни соат 15.30 ларда Сергели тумани, Янги Сергели кўчасида номаълум ҳайдовчи Cobalt русумли автомобилини бошқариб кетаётиб, пиёдани уриб юборди. Бу ҳақда ИИББ матбуот хизмати маълум қилди.
Мазкур йўл транспорт ҳодисаси натижадасида пиёда — 1951 йилда туғилган аёл тез тиббий ёрдам кўрсатиш клиникасига олиб борилди. Ҳайдовчи пиёдага тиббий ёрдам кўрсатмай ва ички ишлар органларига хабар бермай, ЙТҲ жойидан кетиб қолган.
29 январь куни Тошкент шаҳар ИИББ ЙҲХБ ходимлари томонидан олиб борилган қидирув тадбирлари натижасида мазкур ҳайдовчи 1984 йилда туғилган эркак эканлиги ва у ўзининг бошқарувидаги машинада бўлганлиги аниқланди.
Изоҳ (0)