Андижон шаҳрида яшовчи Д. Ғофурова вилоят фавқулодда вазиятлар бошқармасига қўнғироқ қилиб, темир эшик қулфланиб қолгани ва 4 ёшли боласи уй ичида қолиб кетганлиги юзасидан мурожаат қилди. Бу ҳақда ФВВ матбуот хизмати хабар берди.
Хабар олинганидан сўнг бошқарма қутқарув отряди зудлик билан мазкур манзилга йўл олди. Бу ерда қутқарувчилар қисқа вақт мобайнида қулфланиб қолган уй эшигини очди ва Ҳожиакбарни онасига топширди.
Фарзандини қўлига олган она ўз вақтида кўрсатилган ёрдам учун ФВВ ходимларига миннатдорлик билдирди.
Изоҳ (0)