Ўзбекистон тасвирий санъат галереяси ва Oxus Culture ташкилоти Ўзбекистон номоддий маданий мероси шинавандалари учун 19 январь куни навбатдаги достон кечаларини тақдим этди. Бу ҳақда Oxus Culture ташкилоти матбуот хизмати хабар бермоқда.
Ушбу достон кечаларида Хоразм достончилик мактаби намоёндаси, Ўзбекистонда хизмат кўрсатган артист Отахон Матёқубов ҳамда Шеробод достончилик мактаби вакили, Ўзбекистон халқ бахшиси Абдуназар Поёнов иштирок этди.
Кечада бахши Отахон Матёқубов томонидан ўзбек халқига машҳур бўлмиш «Ошиқ Ғариб ва Шоҳсанам» ҳамда Ўзбекистон халқ бахшиси Абдуназар Поёнов ижросида «Оллоназар Олчинбек» халқ достонлари ижро этилди.
Шунингдек, февраль ойида шошмақом фестивали ўтказилиши режалаштирилмоқда. Фестиваль 6 та мақом кечасини ўз ичига олади.
Изоҳ (0)