Nigeriyaning Rivers shtati politsiyasi erkak kishining jodugarlikda gumonlanib, omma tomonidan do‘pposlanishi haqidagi ishni tekshirishni boshladi, deb yozadi “RIA Novosti”.
Mahalliy aholi erkakning ortidan doim qora echki ergashib yurishiga e’tibor qaratgan va jonivor avval “odam” bo‘lgan, degan xulosaga kelgan. Nigeriyaliklar to‘planishib, “jodugar”ga tashlangan va uni holdan toyguncha do‘pposlagan.
Voqea joyiga yetib kelgan huquq-tartibot organlari xodimlari behush holdagi erkakni, echkini va ikki nafar hujum qilgan shaxsni politsiya uchastkasiga olib ketdi.
O‘ziga kelgach, erkak politsiyachilarga qora echki u uyida saqlaydigan hayvon ekanligini aytdi.
“Odamlar meni odamni echkiga aylantirib qo‘ygan, deb o‘ylashidan hayratga tushdim. Bu imkonsiz narsa-ku?” — dedi jabrlanuvchi.
Izoh (0)