Ўтган йили Наманган вилоятининг Норин туманида 27 та, жумладан, болалар билан боғлиқ 3 та йўл-транспорт ҳодисаси содир этилди. Бу 2016 йилга нисбатан 40 фоизга кам, дея хабар беради «Дарё» мухбири.
Тумандаги 1-мактабда ўтказилган амалий тадбир ҳам йўл-транспорт ҳодисаларининг олдини олишга бағишланди. Мактаб ҳовлиси йўл белгилари ва сфетофор билан жиҳозланди.
Йўл ҳаракати қоидаларини ўрганиш майдончасидаги машғулотларда ўқувчилар ва туманда йўловчи ташиш билан шуғулланувчи 120 нафар ҳайдовчи иштирок этди.
Қатнашчиларга хавфсизлик қоидаларини ўзида акс эттирган буклетлар тарқатилди. Ҳайдовчи ва пиёдаларнинг мажбуриятлари кўргазмали тарзда намойиш этилди.
Изоҳ (0)