Россия президенти Владимир Путин Туркия президенти Ражаб Тоййиб Эрдўғон билан телефон орқали суҳбатлашиб, Суриядаги вазиятни, шу жумладан, Туркия Суриянинг Африн шаҳрида олиб бораётган операцияни муҳокама қилди, деб ёзади «Газета.ru».
Эрдўғон ушбу масала бўйича Россия билан ҳамкорликдаги фаолиятга ва у билан координацияга катта аҳамият беришини айтди.
Иккала президент ҳам Суриядаги инқирозни мамлакат ҳудудий яхлитлигини сақлаб қолиш ва мамлакат суверенитетини ҳурмат қилиш асосида ҳал қилиш муҳимлигини таъкидлади.
Бундан ташқари, икки мамлакат етакчилари Сурия миллий диалог конгрессини ўтказиш учун биргаликда ҳаракат қилишни давом эттириш борасида қатъийлигини тасдиқлади. Улар конгресс вакиллик хусусиятига эга бўлишига ва мамлакатдаги вазиятни БМТ Хавфсизлик кенгашининг 2254-резолюцияси, шунингдек, Остонада қабул қилинган келишувларга мувофиқ сиёсий тартибга келтириш йўлларини излашга хизмат қилишига умид билдирди.
Изоҳ (0)