Ўзбекистон олий таълим муассасаларига кириш тест синовларида саволлар сонини қисқартириш режалаштирилмоқда. Бу ҳақда блогер Хушнудбек Худайбердиев Facebook’даги саҳифасида маълум қилди.
Битта фан блокидаги саволлар сони 36 тадан 30 тага туширилиши режалаштирилмоқда, деб ёзади блогер, аммо бу тасдиқланганича йўқ.
Лойиҳага кўра, 3 та фандан тест топширганлар 90 та саволга 2 соат-у 40 дақиқа ичида, 2 та фандан топширадиганлар эса 60 та саволга 1 соат-у 40 дақиқа ичида жавоб бериши керак бўлади.
Эслатиб ўтамиз, 2017 йил ноябрида Шавкат Мирзиёев «Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида» қарор қабул қилган эди. Унга кўра, 2018/2019 ўқув йилидан бошлаб олий таълим муассасасига қабул қилиш бўйича кириш тест синовлари 1 августдан 15 августгача бўлган даврда ўтказилади, тест синовлари натижалари тест ўтказилган куннинг эртасига Давлат тест маркази расмий веб-сайтида эълон қилинади.
Изоҳ (0)