Тошкент шаҳрида 21 январь куни хавфсизлик камари тақмаслик билан боғлиқ салкам 1000 та ҳолати қайд этилди

Тошкент шаҳар ЙҲХБ ходимлари томонидан жорий йил 21 январь куни йўл-транспорт ҳодисаларининг олдини олиш борасида ўтказилган тадбирлар давомида жами 2453 та қоидабузарлик аниқланди. Бу ҳақда ИИББ матбуот хизмати хабар бермоқда.

Хусусан, 28 та маст ҳолатда транспорт воситасини бошқариш, 20 та транспорт воситаларини ҳужжатсиз бошқариш, 52 та светофорнинг тақиқловчи чироғига риоя қилмаслик, 44 та ҳаракат давомида уяли телефондан фойдаланиш, 353 та одам ташиш қоидаларини бузиш, 239 та тезликни белгиланган меъёридан ошириш, 2 та бўйсунмаслик, 994 та хавфсизлик камарини тақиш қоидаларига бўйсунмаслик ҳолати қайд этилди.

Жами 64 та транспорт воситаси жарима майдончасига тортилди. Ҳозирда ушбу йўналишда тадбирлар ўтказилиши давом эттирилмоқда.