«Proart.uz» компанияси ҳамда продюсерлар Руслан Мирзаев ва Жавлон Камолов ижодий жамоаси Туркиянинг Atyapim Film кинокомпанияси билан ҳамкорликда «Güneşim benim» (Қуёшим менинг) ўткир сюжетли драматик сериалини суратга олишни режалаштирмоқда. Бу ҳақда продюсер Руслан Мирзаев журналист Феруз Муҳаммадга маълум қилди.
«Güneşim benim» Ўзбекистон ва Туркия киноижодкорлари ҳамкорлигида суратга олинадиган биринчи катта бюджетли ва кенг қамровли сериалидир. Сериал ғоясидан келиб чиқиб, воқеалар Туркияда ва Ўзбекистоннинг бир неча тарихий шаҳарларида бўлиб ўтади.Муҳаббат, инсонийлик, меҳр-оқибат каби боқий туйғуларни, миллий қадрият ва анъаналарни ўзида мужассам этган мазкур сериал, Туркия ва Ўзбекистон ўртасидаги кино ва сериаллар борасидаги ижодий ҳамкорликнинг бошланишида муҳим қадам бўлиши кутилмоқда.
Сериалда таниқли турк ва ўзбек актёр-актрисалари иштирок этади. Актёр ва актрисалар кастинг орқали танлаб олинади. Сериалга актёрлар танлаш юртимизда февраль ойидан бошлашни режалаштиряпмиз. Актёр ва актрисалар кастинги билан «Proart.uz» компанияси шуғулланади. Сериалнинг асосий суратга олиш ишлари ҳам Туркияда бўлиб ўтади.
Актёр ва актрисаларнинг кастинг ишлари билан «Proart.uz» компанияси раҳбари Жавлон Камолов шуғулланади.
Ижодий жамоамиз билан биргаликда Истанбулда сериал бўйича Atyapim Film кинокомпанияси продюсер ва режиссёрлари билан ижодий ҳамкорлик бўйича келишувлар қилдик. Сериал сценарийсини машҳур «Истанбуллик келин» сериалининг сценарийси муаллифи Али Айдин ҳамда ўзбек сценаристлари биргаликда ёзишни режалаштиряпмиз.
Руслан Мирзаев, продюсер
Изоҳ (0)