Испания солиқ хизмати колумбиялик хонанда Шакирани солиқ тўлашдан бўйин товлашда гумон қилиб, прокуратурага мурожаат этди. Бу ҳақда «РИА Новости» хабар бермоқда.
Гап бир неча миллион евро атрофидаги сумма ҳақида кетмоқда.
Шакира ва «Барселона» футболчиси Жерард Пике ўз муносабатлари ҳақида 2011 йили расман эълон қилганди. Бироқ хонанда фақат 2015 йилга келибгина Испания солиқ идораларида ҳисобга турди.
Солиқчилар Шакира шу тариқа 4 йил давомида, гарчи бу вақтда асосан мамлакат ҳудудида истиқомат қилган бўлса ҳам, Испанияда солиқ тўлашдан бўйин товлаганини гумон қилмоқда.
Хонанданинг вакиллари эса у Испанияда солиқ резиденти ҳисобланиш учун талаб этиладиган 183 кундан камроқ бўлганини таъкидламоқда.
Изоҳ (0)