«Алишер Узоқов — хон, Улуғбек Қодиров — бош вазир ролига тасдиқланиши мумкин». «Исломхўжа» фильми учун катта фотосинов ишлари бўлиб ўтмоқда

«Ўзбеккино» буюртмаси билан режиссёр Жаҳонгир Аҳмедов «Исломхўжа» деб номланган тарихий, бадиий-публисистик жанрдаги фильмни суратга олиш ишларига тайёргарликни бошлади.

Фильмнинг дастлабки фотосинов ишлари бўлиб ўтди. Режиссёр Жаҳонгир Аҳмедов журналист Феруз Муҳаммадга фильмнинг дастлабки фотосиновидаги фото лавҳаларни тақдим этди.

Исломхўжа ролига Ўзбекистонда хизмат кўрсатган артист Беҳзод Муҳаммадкаримов ҳамда Улуғбек Қодиров фотосинов топширган.

Асфандиёрхон ролига  Бобур Айтмагамбетов ҳамда Алишер Узоқовлар даъвогарлик қилмоқда.

Муҳаммад Раҳимхон II Феруз роли учун Ўзбекистон халқ артисти Муҳаммад Али Абдуқундузов ҳамда Ўзбекистонда хизмат кўрсатган артист Ҳошим Арслоновлар фотосинов топширишган.

Эрон элчиси Ишоқхон ролига Муҳаммад Исо Абдулхайиров ҳамда актёр Азамат Ахроровлар фотосинов топширишган.

Фильмдаги бошқа образлар учун ҳали ҳам фото синовлар давом этмоқда.

Исломхўжанинг қизи, Асфандиёрхоннинг хотини, малика Азизапошша бика роли учун 20 ёшдан 30 ёшгача  бўлган ўзбек актрисалари ўртасида катта фотосинов бўлиб ўтиши кутилмоқда.